HAADHA TOO!

HAADHA TOO!
 

Yaa hadha too qaalii
Harmee gudishaa too
Ummaa tiyya aayyoo
Tokko sin hin gituu
Hanga jiruu tantoo
Ummaa tiyya ummii
Tee hin dhumtu ummii

Na dhaltee rakkattee
Na guddisuuf xaartee
Ana Rafisuudhaaf
Ifii Hirriba dhabde
Ana qubsachuudhaaf
Ati beelaan teysee
Maali galanni kee?
Nin dhabe tilmaamee
Akkami dandeeyse
San hunda baadhattee?
Galanni kee hin dhumu
Himameen taramu
Jannata haa taatu
Jiruun tee tan boruu

Aayyoo gudishaa too
Yaa guuttuu jiruu too
Dadhabeen hin jiru
Midhagsituu tantoo
Barsiistuu waa hundaa
Ummaa tiyya Aayyoo

Nama akkan tahuuf
Laffaatee guddiftee
Bakka gahee arguuf
Heddudha carraayxee
Gaaruun maalin godha
Carraa kiyya taate
Si dhabe ummaa too
Murtii Rabbii taate
Booye sin deebisuu
Turtuudhan hubadhee
Ani si dhabuudhaan
Waa hunduman dhabe
Hulaa Jannaataa too
Na duraa cufame
Silaa akka kiyyaa
zalaalam naaf turte
Ani du'ee dabree
Ati naaf jiraatte
Akkasi fedhiin too
Aayyoo too gudishee

Rabbiin keenya silaa
waan fedhe Murteeysaa
Si dhabee ummii too
Nin jiraadha gaddaa
Duaa'uman siif godha
Hanga jiruu tiyyaa
Galata naaf goote
Yoomin himee fixa
Jannatan siif kadha
Kan ollaa Rasuulaa

Gaafnin hedduu gaddu
Gaafan arguu nama
Haadha Rabbi dhiiseef
Xiqqeeysee bochisa
Qananii Rabbii Isaa
Wallaalee balleeysaa
Haati namaaf turun
Qananiidha Silaa
Nama itti beekuuf
Jannata inumaa

Jannatan siif kadha
Sin jaaladha ummaa
Bakka kee kan bu'u
Eysaahi naaf dhufa
Jaalala tee himee
Hin fixu yaa ummaa
Rahmata naa godhiif
Yaa Rabbii alamaa.
..........................................
Hadha tiyyaa fii Warra akka kiyyaa kan haati jalaa duute hunda Rabbiin Rahmata haa godhuuf.
Warri haati teeysan jirtu, Rabbi isiniif haa tursiisu.
Wanni jiru, hanga dhabamu mi'aan Isaa hin beekkamu. Namoonni haadha isin deeyse akka rabbiin hin jaalanne gootan hundi. Gaafa Haadha teeysan dhabdan sheenawuuf teeysan.
Kan akka haadhaa eeysaa argama!!!

KHABBAAB BINU AL-ARATT

EENYU FAKKEENYI KEENYA?

Urjii Ahmad

KHABBAAB BINU AL-ARATT

Ummu Anmaar Magaalaa namni itti gurguramu Magaalaa “Nakhaas” tan Makkatti argamtu dheeyxee Gabra tokko bitachuuf manaa baate.

Gabroota gurguraaf dhihaatan keeysa daddeemtee Osoo laaltu gurbaa hin Dardarin kan qaamni isaa fayyaa qabu tokkorra ijji Isii buute. Gurbaa san bitattee gara mana Isii deebiteen.

Karaa osuma wajjiin deemnii Ummu Anmaar “Yaa mucaa maqaan kee eenyu?” jetteen.

“Khabbaabi”, Je’een.

“Maqaan Abbaa keetii yoo?”

“Al-Arat” je’een.

“Ati silaa Warra eeysaati” Jetten.

“Najdi” je’een.

“Ati Arabaa?” Jetteen.

“Eeyyee! Ani araba gosa Tamiim.” Je’een.

“Maaltu magaalaa gabra itti gurguran akka dhuftu sababa sitti tahe?”

“Gosa takka tan arabaatu ganda keenya dhufee lola nutti bane, Beeyladaa saamanii, daa’immannii fii dubartoota booji’an, anis jollee booji’amte keeysaa tokko, eegasii harka nama hedduu keeysa dabreetiin Magaalaa Makkaatti gurguramuuf fidame, kunoo amma Harka keetiin jira>” je’een.

Ummu Anmaar gabricha Isii Tumtuu warra Makkaatti kennite akka Seyfii Tolchuu jararraa baratuuf. Gabrichi Isii yeroo gabaabduu keeysatti seyfii tolchuu barate.

Hoggaa gurbaan Jabaate, ummu Anmaar dukkaana kireeysitee meeshaa tumtuu bitteef, san booda dalagaa harkaa Isaa irraa galii argamuun fayyadamuu jalqabde.

Yeroo xiqqoo keeysatti seeyfii bareedduu dalaguun Makka keeysatti beekkamee magaalaan Isaa oowwite. Akkasumas amala bareedaa, dhugaa dubbachuu fii beellama kabajuun beekkame.

Khabbaab hoggoo hojii Isaa irraa boqqonnaa argate hunda “akkamitti Taaboonni Mukarraa tolfamte Rabbi taati?” jechuun dalagaa warra Jaahiliyyaah jibbaa jiraataa ture.

Khabbaab hoggaa xiqqo ture Makka keeysaan ifaan dukkana dhaamsu ife. Muhammad binu Abdullaahi Nabiyyii tahuu Isaa dhagaye. Itti dhaqee irraa dhageenyaan Shahaadaa qabatee Islaamatti seenee.

Khabbaab Islaamawu Isaa hin dhoysine, hoggaa xiqqo ture Ummu Anmaar Islaamawuu Isaa dhageeyse.  Dallantee obboleysa Isiitii fii goosa Isii keeysaa joollee hedduu qabatte itti dhufte.

Khabbaab hoggaa Isaan itti dhufan Hojii isaatti jira. Sibiila Ibiddaan gubee tumuun seeyfii dalagaa jira.

Obboleeysi ummu Anmaar “Oduu tee dhageenyee amanuu dadhabnee sitti dhufne” je’een.

Khabbaab: “Maali Inni” je’een

“Ati amantii tee dhiiftee Muhammad jala deemte jechuutu odeeyfama” je’een

Khabbaab: “Ani amantiin dhiise hin qabu garuu nin Islaamawe, Rabbii tokkicha haqaan gabbaramu, kan waahila hin qabnettin amane, Taaboota keeysan ittin kafare, Muhammad Ergamaa Rabbii fii gabricha Rabbii tahuun amane” jechuun soda takka malee itti hime.

Jechoonni Khabbaab gurra Isaanii seennaan Jarri hundi utaalanii irratti bahan. Harkaan tuman, miilaan dhiitan, Sibiila seeyfiin irraa tolfamu hundaan cafaquutti seenan.

Hanga khabbaab if wallaalee kufutti.

Wanni khabbaabii fii ummu Anmaar jiddutti argame Makkaa guutuu keeysatti dhagayame.

Jeynummaa Isaa irraa warri Makkaa ni wareere, Namni Muhammad Jala deeme tokko kan dirree bahee Islaamummaa Isaa labse hin turre akka Khabbaab labseetti.

Maanguddoon Qureeyshii dubbii Khabbaab tanarraa wal gahii godhan. “Akkamitti namni tokko kan biyya tanaa fira hin qabne, qabeenya hin qabne, gosa hin qabne, gabrii amantii abbootii keenyaa arrabsee jeynummaan dirree bahee labsa? kuni waan nama biraatiifis karaa banu!” jechuun irraa mari’atan.

Qureeyshiin hin dogongorre hoggaa xiqqo turan Jeynummaan Khabbaab nama hedduu dammeeysitee Sahaabaan Islaamummaa Isaanii dirree bahanii labsuu eegalan.

Qureeyshiin marii waa’ee kanarraatti taa’aniin “Gosti hundi nama Isii kan Islaama seene hanga Islaamammuu dhiisanii ykn du’aniitti akka adaban” ajaja baasan.

Haala saniin Khabbaab adabuun dirqama warra Ummu Anmaar tahe.

Hoggaa aduun owwiite, dachiin akka dhamala ibiddaa taate gama cirracha Makkaatti Isa gadi baasan, Huccuu Inni ifirraa qabu irraa baasan, san booda Sibiila lolaaf uffatumu itti kaayan. Aduu gammoojjii irratti Sibiila Aduu daran owwuun Isa guban.

Dheebuun hoggaa akka malee itti jabaatte itti dhufanii

“Muhammad maali?” Jechuun gaafatan.

Khabbaab: “Muhammad Gabrichaa fii Ergamaa Rabbiiti, Amantii qajeeltuun nutti dhufe, haqaan nutti dhufe, dukkanarraa ifatti nu baasuuf dhufe.” Jechuun deebisaaf.

Owwaa fii dheebuu sanirratti tumiinsa dabalaniif.

Ammas taaboota Isaanii irraa gaafatan.

“Laatii fii uzzaadhaan maal jetta?” Ja’aniin.

Khabbaab: “Taaboota lama duudaa, tan hin dhageenye, tan agarre, tan faayidaa hin qabne…” jechun deebisaaf.

Sibiila Ibidda keeysaa ture fidanii duyda isaatti maxxansan, hanga moorri duyda Isaarraa baqee yaa’ee sibila dhaamsutti.

Ummu Anmaar Azaaba Obboleeysii Isii Khabbaab Azaabu san caalaa Isa adabaa turte.

Gaafa tokko Rasuulli s.a.w dukkaana Isii bira hoggaa dabru Khabbaab Isaa dubbisu argite, akka nama maraateetti dallantee utaalte.

Khabbaab guyyarraa Isaa sibila Ibiddaan owwiisee tumu itti dhufti, Sibila Ibidda keeysaa fuutee Adda Isaa irra keeysi hanga addi Isaa aara baastee gaggabee if wallaalutti. Guyyaarraa guyyatti Osoo hin hifanne akkas godhaa turte.

Khabbaab Isii fii obboleysa Isiittis Rabbii Isaa itti kadhataa ture.

Hoggaa Rasuulli s.a.w Sahaabootaaf akka gama madiinaa Hijiraa deeman hayyameef Khabbaab qophiirraa osoo jiruu, Makkaa keeysaa osoo hin bahin Khadhaan Ummu Anmaar irratti khadhate Isaaf qeebalamtee ijaan arge.

Ummu Anmaar dhukkuba mataa dhagayamee hin beekkamneen qabamtee akka sareetti iyyuu jalqabde.

Ilmaan isii qoricha isiif barbaaduuf bakka hunda dhaqanis qorichi hin argamne. Wanni Isii wayyeesu Ibiddaan adda Isiirra gubuu akka tahe itti himame.

Sibila Ibidda keeysatti diimateen akkuma Khabbaab gubaa turtetti addarr gubachuu jalqabde. Gubaan Sibilaa dhukkuba Isii kan duraanii waan caaluuf dhukkuba mataa Isii irraanfachiisa. Isii gaggabsa.

Khabbaab Madiinaatti hijiraa godhee Rasuula s.a.w wajjiin nagayaan Rabbii Isaa gabbaruuf carraa argate.

Jihaada Rasuulli s.a.w godhe hunda itti hirmaatee jira. Lola badriitti hirmaatee jira. Lola Uhud irrattis hirmaatee obboleysa Ummu Anmaar kan Isatti roorrisaa ture Hamzaa ibnu Abdul Muxxalib harkatti ajjeefamee ijaan argee gammadee jira.

Khabbaab umrii dheeratee Rasuula s.a.w booda khulafaa afran dhaqqabee jira.

Gaafa tokko Umar binu Al-Khaxxaab Isaa khaliifaa Khabbaab itti ol seene. Umar ifitti dhiheeysee teeysise.

Adaba Mushrikootarraa Isa dhaqqabe kan irra jabaa gaafateen, khabbaab himuuf itti ulfaate. Garuu Umar Isatti daddeebinaan “duyda Isaarraa huccuu Isaa ol saaqeef” Umar duyda khabbaab agarraan baaragee akka malee rifate.

Akkamitti akkana taate jechuun gaafateen.

Khabbaab: “Mushrikoonni Ibidda qabsiisanii hoggaa haalaan qabate huccuu narraaa baasan irra na ciphsanii na shorroysan, hanga lafee tiyyarraa foon kiyya gubatee kufutti. Ibiddi Isaan naaf qabsiisan bishaan qaama kiyyarraa yaa’een dhaame” jechuun Umariif hime.

Kana hunda azzabamee gaafa tokko Makkatti osoo Rasuulli s.a.w Ka’abaa Jala taa’uu itti dhufee “Yaa Rasuula Rabbii Rabbii kee maaliif nuf hin kadhanne? Dirmachuu Rabbii keetirraa maaf nuuf hin ariifachiifne?” je’ee gaafannaan. Rasuulli s.a.w “warri Isin duraa amantiif jecha mushuxa ykn filaa sibilaatiin foon Isaa lafee asitti filamaa ture, magaazaan bakka lamatti addaan dhoosaa turan garuu sun hundi amantirraa Isaan hin deebisu. Isin garuu ni jarjartan. Wallaahi Amantiin Islaamaa tun bakka aduun geeyse hunda gahuuf teeysi” jechuun deebii jabduu deebiseef. Yaa Allaah! Yaa Ajaa’iba Rabbi!! Sahaabaan ibiddaan gubattee Rasuulli s.a.w Osoo namni 30 hin geenye Isa jala deemaa jiruu Amantiin Islaamaa tun bakka aduun itti baatu hunda gahuuf teeysi, hin jarjarinaa je’an. Obsaa balaan isinirra gahaa jiru xiqqaadhaa je’an. Yaa Subhanallaah.

Seenaan Khabbaab dheeraadha. Gabaabatti Islaamaaf jecha kana hunda argee jira.

Nuti yoo? Maal irraa baranna?

Khabbaab Islaama Tahuu Isaatiif waan sammuun ilma namaa hin yaanne hunda dhandhamee jira, garuu hin kafarre, Islaamummaarrraa if duuba hin deebine.

Nutis arra qormaanni nutti dhufee jira. Yoo Ahbaashii hin taane Shororkeeysaadha. Mankaraarsitiidha. Jechuun dirqamaan amantii Ahbaashii nu fadhachiisuuf yaalaa jiran.

Ahbaashii yoo hin taane ni hidhamta, ni saamamta, barnotarraa ari’amta, hojirraa ari’amta, biyyaa baafamta. Kuni hundi nutti dalagamaa jira, garuu qormaata Khabbaab argee obse saniin walitti hin dhufu, Keenya irra salphaadha. Kabbaab ni gubate, ibiddarra ciiphsame, sun hundi Aqiidaa Isaarraa if booda isa hin deebifne.

Akka Khabbaabitti Obsinee seenaa adunyaa fii akhiraatti faayidaa qabdu dalaguu wayya moo Kaabinee mootummaa, waraana Isaanii, Munaafiqoota Ahbaashii sodaannee Islaamummaa dhifnee Adunyaa fii Akhiiraatti kasaaruu wayya?

Khabbaab Obsee, qabsaawee, Aqiidaaf gubatee arra seenan kabajaan Isa kaafti.

Filannoon teenya! Abbaan fedhe sodaatee Ahbaashii tahee kafaruu dandaha.

Kan fedhes Obsee jabaatee, qabsaawee jannata bitachuu dandaha.

Filannoon teenya! Eenyu fakkeenyi keenya?

Khabbaab moo Kaabinee fii Ahbaashii??

FIDAA KEE HAA TAHUU YAA RASUULALLAAHII!!!

FIDAA KEE HAA TAHUU YAA RASUULALLAAHII!!!
Urjii Ahmad
Rasulaan jaalattuu nan jatti Ahbaashii
Yaa Rasuula Rabbii Ani fidaa keetii
Ayyoo Abboon kiyyas sirra naan caaluutii
Yoonin sin jaalanne enyuun jaaladha anii?
Salluu Ala Nabi duree Anbiyaatii
Muhammadul Amiin saaqaa dukkanaatii
Shirkii keessaa fudhee nu baase ifattii
Kabajaa nu godhee sitti amanuunii
Akkamiin naaf tahee ani si jibbuunii?
Fidaa kee haa tahuu yaa Rasuulallaahii!!!

Jaalallee Muslimaa Shafii'aa bar ati
Guyyaa Qiyaamaadhaa Rabbii kee birattii
Hayyama Isaatiin dirree mahsharittii
Hundi ni baaragaa tokkoon khalqiidhaatii
Rabbi waa gaafachuu sodaatee booyaatii
Rasuulli Rabbiidhaa gaafas nu furaatii
Rabbitti iyyatee irraa qeebalaatii
Hadiisaan sabatee kun hundi ifaatii
Yaa Rasuula Rabbii sin jaaladha Anii.

Jaalallee kee beekuuf sharxii nuf himteeraa
 Si jala demuudhaa karaa kee qajeelaa
Osoo hin irrifne tartiiba keetirraa
Ittis hin dabalan waan karaa gooterraa
Akkasitti kunoo sunnaa kee hordoofnaa
Fudhachuu ni dinnee Bid'aa guyyaa keessaa
Ahbaashiitu dhufee sunnaa kee balleessaa
Dargagoo fi dubras wali naqee sirbaa
Zikriidha je'anii daansii Faranjiidhaa
Nuti jalaa dinnaan Nabi diid nuun je'aa
Akkamii si dinnaa yaa Rahmata Alamaa ??

Arrallee borullee fidaa keeti anii
Sunnaa keen lakkisuu hangan dandahutti
Nin  saaxilla firqaa jalloo bid'aadhaatii
Maqaa kee xureessan daansii sirbaniitii
Quraana lakkisan sheekaaf je'aniitii
Osoonii kallafuu karaa nuuf dhaamtee Atii
"Tamassakuu bihaa" Sunnaa kiyya jatteetii
Ahbaashii Jallattuun dhuftee nutti murtii
Daansii jalaa dinnaan sin jaalatan jettii
Yaa Nabiyyallaahi fidaa kee taanaatii
Salluu Ala Nabii Kheri khalqillaahii
Waslim Tasliman Ilaa yomi diinii


Sallallaahu Aleyhi wasalam.

HABIIB BINU ZEYD AL-ANSAARII

ENYU FAKKEENYI KEENYA?

Urjii Ahmad

HABIIB BINU ZEYD AL-ANSAARII

Habiib mana ifaan Iimaanaa keessaa ifu, maati lubbuu isaanii jaalallee Isaanii Nabiyyiif kennan keessatti guddate.

Abbaan Isaa Zeydi binu Aasim namoota Madiinaa, torbaatama Aqabaa bakka je’amtutti dhaqee ballemaaf harka Rasuulaa s.a.w dhahan keessaa tokko Inni, Jaartii Isaa fi Ilmaan Isaa lamaan waliin.

Haati Isaa Ummu Umaaraa Naseeybatul Maaziniyyaa jedhamti, dubartirraa namni dura amantii Allaaha irraa Adawwii deebisuu fi Rasuula s.a.w tiysuuf seyfii fudhate Isiidha.

Obboleessi Isaa Abdullaahi binu Zeydiiti kan gaafa lola Uhud Rasuula s.a.w lubbuu Isaatiin tiyse, kan qooma Isaatiin qooma Rasuulaa Adawwirraa tiyse .

Rasuulli s.a.w maatii Islaamaa fi Rasuulaaf s.a.w akkatti lubbu kennuu turan kanaan akkana je’en:

“Maatii teessan Rabbiin barakaa isiniif haa godhu, maatii teessan tan Rabbiin Rahmata haa Isiniif godhu”.

Habiib Rabbiin Isaaf fedhee daa’imummaa Isaatiin Haadhaa fi Abbaa jala deeme nama 70 Rasuula s.a.w bellama godhan waliin jira ture. Harka Isaa kan Ijollummaa saniin Harka Rasuulaa s.a.w dhahatee beellama godhee jira, halkan bellama Aqabaa san. Guyyaa sanirraa eegale Rasuulli s.a.w lubbuu Isaa, haadhaa fi abbaa Isaa caalaa Isa biratti jaalatamaa tahe.

Islaamummaanis lubbuu Isaa caala isa biratti jaalatamtuu taate.

Habiib daa’ima waan tureef Badrii fi Uhud irratti hiramaachuu hin dandeenye, garuu san booda Rasuula s.a.w waliin duula hundarratti hirmaatee jira. Habiib lola hirmaate san hundarratti qabsoo seenaan katabdee hin xumurre, afaan dubbate hin dadhabne Islaamaaf godhee jira.

Habiib waan seenaan ilmi namaa dhageettee hin beyne Islaamaaf dalagee galma seenaa keessatti hanga guyyaa qiyaamaa dubbatamaa, faarfamaa tura. Seenaa Isaa keessaa tan qaamni namaa hogga Isii dhagahe sukkannaawu, tan hogga isii dubbise Iji imimmaan dhangalaaftu, seenaa isaa hedduu keessaa takka isiniif haa dubbadhu.

Hijiraa booda amata 10ffaa keessummaan Banii Haniif biyya Najdi jedhamturraa gara Madiinaa dhufte, Wanni dhufaniif Islaamummaa qeebaluuf, keesummaa san keessa Museylamaa binu Habiib Al-Hanafii jira, Rasuulatti s.a.w dhufanii Islaamummaa qeebalanii gara biyya Isaanii Najdi deebi’an.

Najditti hoggaa deebi’an Museylamaan Kafaree “ani Nabiyyidha” jedhe if moggaase, gosa Isaatiin “Ani Banii Haniifiif ergame akkuma Muhammad Qureyshiif ergeme” je’e gosa Isaa if jalatti jaaruu eegale.

Gosti Isaatis gosummaaf jecha tole jette isa jala yaa’uu egalte, gosa isarraa warra akkana jedhuutu jira:

“Muhammad dhugaan Rasuula tahuu nin beeka, Museylamaan Kijibaa tahuus nin beeka garuu dhugaa dubbataa Qureyshiirra kijibaa gosa teenyaa nuuf caala”

Museeylamaan Hoggaa jabaatee namni Isaaf heddummaate, Rasuulatti s.a.w xalayaa barreese akkana jedheen:

“Museylamaarraa Rasuula Allaaha, Muhammadiif Rasuula Allaaha, Nageenyi siif haa tahu. Itti aansun ani Rasuulummaa keessatti si waliin waahilee jira atis Qureyshiif anis Gosa tiyyaafi ergame, dachiin balloodha nuuf geysi”

Xalayaa tana waliin nama lama erge Rasuulli s.a.w ergamtoota Isaa lamaan Isin yoo maal jettan jedhee gaafate, Isaanis akkuma Inni je’u jenna jedhaniin.

Rasuulli s.a.w ergaa hin tuqan malee silaa isin hin dhiisu je’e isaan dhiise.

Egas Rasullis s.a.w xalayaa itti katabe:

“Maqaa Allaahatin egala. Muhammad Ergamaa Allaaharraa, Museylamaa kijibaadhaaf. Eganaa wannin siin je’u dachiin tan Allahatti, gabroottan Isaa irraa abbaa fedhe dhaalchisa, Booddeen gaariin tan warra Rabbi sodaatuti”.

Jara lamaan Museeylaam ergatee waliin xalayaa tana itti erge.

Garuu badiin Museylamaa waan hammaachaa dhufteef ammas isa dinniinuuf xalayaa biroo Rasuulli s.a.w itti erge. Xalayaa tanas Habiib dardara Imaanaan mataa irraa hana milaatti guttame waliin erge.

Habiib Ajaja Rasuula s.a.w fudhatee galmaan gahuuf karaa seene, Museylamaa bira gahee xalayaa itti kenne.

Museylamaan xalayaa arginaan dallanee, fuula guuree. Hammenya Isaa Habiib irratti dalaguuf ajaja dabarse. Habiib hidhame akka boru dhihaatu godhe, ganama Museylamaan gosa isaa walitti qabee Habiib akka fidan ajaje.

Habiib hidhaa waliin tirachaa dhufe, Museylamaan gama Isaa laalaa “Muhammad akka Rasuula tahe ragaa baataa jedheen?”

Habiib: “eyyee Muhammad Rasuula Allaahati” je’en.

Museylamaan dallanee “Ani yoo Akka Rasuula tahe ni beytaa?” je’en.

Habiib Isa tufachaa, ija tuffiitin isa laalaa “gurri tiyya waan ati jettu kanarraa duudaadha” je’en.

Museylamaan Aaree hidhiin Isa hollachuu jalqabde, qaama Habiibirraa kutaa takka akka muran itti ajaje.

Namichi ajajame dhufee seyfiin qaama Habiib irraa kutaa takka mure, foon Isaa konkolaatee lafa gahe.

Ammas Museylamaan itti deebi’ee gaafii isaa egale. “Muhammad Ergamaa Allaaha tahu ragaa baataa?”

Habiib: “eyyee Muhammad Ergamaa Allaahati”.

Museylamaa: “Ani Ergama Allaahaa tahu ragaa baataa?”

Habiib: “gurri kiyya waan ati jettu kanarraa duudaadha sin je’ee jira” je’en.

Ammas itti ajaje akka foon Isarraa kutaan takka muramatu godhe, foon Isa murame konkolaate kan duraa biratti lafa gahe. Ummanni wareeranii isa laalan jeynummaan Isaa, Obsi Isaa Isaan wareerse.

Haluma kanaan Museylamaan Isa gaafataa, Namtichi ajajames qaama Habiib muraa, Habiib ammoo Muhammad Ergamaa Allaahati jechuu itti fufe.

Hanga qaamni Isaa kan murame qaama Isaa kan dhaabbatee dubbatuu waliin wal qixxaawutti…

Haala kan keessatti lubbuun Isaa baate, hidhiin isaa jaalallee Isaa kan jollummaan ballama harka Isaa dhahee fuudhe yaamaa “Muhammad Ergamaa Allaahaati” jechaa lubbuun isaa baate.

Oduun tun haadha Isaa Nuseybatu Al-Maaziniyyaa dhaqabnaan Obsitee galata Rabbii Isiirratti lakkaawatte.

Gaafa lola Yamaamaa kan Museylamaa waliin godhame irratti haati Habiib waraana Mujaahidinaa waliin seyfii fudhatte waraana seente, Adawwii Rabbi kan Ilma Isii ajjeese irraa hijaa bahachuuf, karaa Rabbii keessatti jihaada seente.

Nuseybaan gaafa lola Yamaamaa tarree waraana adawwii Rabbii addaan dhoosaa “Mee Adawwiin Rabbii?” …. Jechaa Museeylamaa barbaadu seente “Mee Adawwii Rabbii san na agarsiisaa…” jechaa seyfiin barbaadde. Hoggaa Isiin bira geysu Museylamatu Al-Kazzaab Mataan irraa darbamee argite, Qalbiin isii gammadde.

Ijji isii das jette…

Maaliif hin gammanne silaa?! Rabbiin adawwii Ilma isii Ajjeese irraa kafaleefi jira.

Museylamaanis, Ilmi Isiitis du’anii jiran garuu jarri lamaan tokkoo miti.

Gariin jannata gariin Azaaba…

Seenaan Habiib gabaabsine hangana nu ofte yoo dheresine kitaabni hin gahuuf.

Amma teenyatti haa deebinuu!!!

Maaliin Fakkaenya nuuf taha Habiib?

Habiib Islaamaaf waan hunda kenne, Rakkoon amma Mootummaan Itiyoopiyaa nurratti ofaa jiru waanuma Museylamaan godhe sani, Ahbaashii dirqamaan tahaa jechuunis Akkuma dirqamaan Museylamaan Rasuula jedhi jechaa ture sani. Garuu Habiib qaamni Isaa karaa Rabbii keessatti kutamaa lafa guutus hin kafarre, Muhammad Ergaa Allaahati jechaa ajjeefame.

Nuti yoo arra Kaabine wayyaane sodaaf, hidhaa sodaaf, ajjeechaa sodaaf Ahbaashii malee amantiin Islaamaa sirrii miti ni jennaa???

Ahbaashii dirqamaan tahi jechuuf ETVn waan kijibeef, Kaabineen waan nu dinniinteef, koreen teenyas waan hidhamteef, Asaasatti waan Muslimoonni qulqulluun ajjeefamaniif, Garbaattis waan ajjeefamaniif, Kofoleettis waan ajjeefamaniif, nutis nu ajjeesan, nu hidhan jennee Ahbaashii taanaa???

Habiib jala yoo deemne Islaama taanee dhumna. Majlisaa fi Kaabinee jala yoo deemne Munaafiqa amantii hin qabne taanee dhumna. Garuu gariin Jannata, gariin Azaaba bakki itti yaanu.

Haadha Habiib Jeynitti Nuseybaa maali irraa baranna Ilmi karaa Rabbii keessatti ajjeefamu kabajaa tahuu Isaa, haati jeyni karaa Rabbi kessatti ifif qabsoytee, Ilma Isitis akka qabsaawu gooti.

Muhammad Ergamaa Allaahati Isa jala deemna.

Abdullaahi Hararii Abbaa Ahbaashiiti Isa jala hin deemnu.

Injifannoon tan Islaamaati!!!

Allaahu Akbar!!!