SU'UDII FII SHORORKAA BARANAA

SU'UDII FII SHORORKAA BARANAA

Urjii Ahmad

Badii mootummaan Su'udii Ilmaan namaa kana nagayaa irratti dalage nin balaaleefadha. Ilmi namaa kabajamaadha. karaa bareedaan ifirraa gaggeeysuu osoo dandahan humnatti dabruun sirrii miti.

Mootummaan Su'udii warra Su'udii irrattis hammeenya guddaa raawwataa jira. Sheekootii fii du'aata gabrummaa Islaamaa tan biyyoota adda addaa balaaleefatan hidhuu fii rakkisuun aadaa Isaaniiti. Sheekh Khaalid Raashid warra balaa mootummaa Su'udiitiin hidhaa jiru. Dr. A'id al-Qarniin amata 10 hidhamee bahe.

Alaabaa Su'udiiti. Jecha Towhiidaatu irra jira.

Maatiin Malikaa maallaqa ifiif akka feetetti itti taphattu warri biyyaa irraa agabee kan beelawus ni jira.

Ummata hedduu wasana Shari'aa tarkaanfate tahanis biyyiti Islaamummaa nagayaa qabdi. Sheekkootiin Aqiidaa qulqulluu barsiisan biyya hundaaf gahaa jiran.

Yoo Jihaada dubbachuu baatan Aqiidaa towhiidaa barsiisuun mirga Isaaniiti. Kitaaba Rabbii Quraanaa fii kanneen biraa facaasanii adunyaa waliin gahanii jiran.

Garuu booddee tana Mootummaan Su'udii dhugaan hammaattee, daangaa dabarte.

SHORORKAA SU'UDII TAN BARANAA

Mootummaan Su'udi barana hojjattoonni seeraa alaa narraa haa bahan je'ee seera tumate. Seera san dalagaarra olchuun dura ji'a 7 hojjatootaaf akka kenne ni odeeyfama.

Ammoo namni hundi sirreefachuu hin dandeenye. Baatiin 7 dhumtee guyyaan seerri hamaan dalagarra oolu dhufe. Mootummaan bahaa je'ee lallabe. Poolisa bobbaase. Namni hedduun akka dura sahee dura fiiguu eegale. Su'udiin jijjiramte jirti. Qawwee nama jala dhahuu fii nama tumuun jalqabde.

*Warra Itiyoopiyaatti xiyyeefachuu.

Mootummaan Su'udii baran warri habashaa je'ee warra biyya teenyaa hunda ija takkaan laale. Maaliif?

Isaan nama Itiyoopiyaa irra guddaa kaafiratti beekan. Kan farshoo dalagu irra guddaan warra habashaati. Kan Sharmuxummaa dalagu warra habashaati. Mootummaan Su'udii barana faabrikaa Haraqee kan TIgroonni Arabticha tokkoon wal tahan gaara keessatti banan irra gahee TViidhaan warra biyyaa garsiisaa ture. Tigroonni dallananii baadiyaa keessatti dhalaa Su'udii haadhaa fii ilmoo gudeedanii dhabama tahan. Mootummaan san hunda Oduun ummata garsiisaa ture.

Warri Su'udii habashaa hunda ija takkaan laaluun oduu argan kanarraa kaate. ummanni maqaa Islaamaa baafatee biyya sanitti farshoon dachii balleeysinaan habashaan nurraa haa baatu yaada je'u gaazeexaan kaasaa turan.

Mootummaan Seera kan eega tume booda tarkaanfii fudhachuu jalqabeen Ummanni habashaa mootummaan wal dura dhaabbachuu jalqaban. Lolli achiin oowwee lubbuu namaa galaafatuu jalqabe. Araboonni duraan jibbaa habashaa qaban muraasni ummatarratti bobbahanii badii guddoo dalagan.

Rabbiin ummata keenya nagaya haa baasu.

BADII HABSHOOTAA.

Farshoo dalaguu fii raabsuu. Kanas araboota muraasa wajjiin waliigalanii dalagan.

Faabrikaa farshoo baadiyyaa Su'udii keessatti banuu. Osoo mootummaan hin beyne.

Sharmuxummaa fii dhalaa biyyaa fidanii araboota shakaraniif gurguruu. Farshoo warra dalagu yeroo qaban

Badiilee asii olitti kaase tana irra guddaa Tigree fii Amaaraatu dalaga. Booddee tana Oromoonis akka wajjiin dalaguu eegalte odeeysan.

Kanaa fii wanni akkanaa kan warra Su'udii irra hedduu biratti jibbamu maqaa habashaatiin dalagamutu daran ummata keenyatti balaa jabeeyse.

Dhumarratti ummata poolisaatiin wal dura dhaabbatanii dhagaa haruu fii araboota muraasa irratti saaminsa gaggeeysuun isaanii dubbii habashaarratti dalagamtu daran fafeeyse.

XUMURA.

Badiin nama muraasaan dalagamte hunda waliin qabattee miidhaa jirti.

Rasuulli s.a.w hadiisa keessatti akka je'an "ummanni tokko doonii wajjiin koree, tuutti takka gubbaa, tuutti takka jala yoo jiraatte. tan jalaa tun bishaan baharaa kana asumaan doonii urree fayyadamna yoo je'an. warri gubbaa yoo callisee laale. waliin halaakaman." jechuun badiirraa wal dhorguun dirqama akka tahe addeeysan.

Ummanni banii Israa'eel kan abaaramaniif badirraa wal dhorguu dhiisuu Isaaniiti.

Osoo badirraa wal dhorgan. Ykn warra badii dalagu seeraaf akka dhihaatu mootummaa Su'udiitiif tuutti saaxiltu ummata keessa jiraatte. Arra Habshaa je'anii hunda waliin hin jibban.

Badiin Mootummaa su'udii guddoo taatus waan irraa kaate qabdii malee nagayuma dirree qullaa irraa waan ka'ee miti.

Arra hoggaa namni nagayaa miidhame badii kan dalage muraasni if dura karaa tolfachuun ni mala.

Obboleyyan Islaamaa! haala kanaan dubbiin hammaatte natti fakkaata.

Ammoo warri duraanis farshoo dalagaa ture, Kaafiroonni arra Islaamaa fii Muslimoota maqaa kanaan arrabsuuf yaalii godhaa jiran, waanuma duraan garaa qabani malee tana ammaa tanaa miti.

Namni tokko account nama Muslimaa tokko hatee "Islaama tahuu kiyyaaf nin qaanfadha" hanga jechuurra gahan. Kaayyoon Isaanii Islaamummaa nama jibbisiisuu fii maqaa balleeysuudha.

Isaan mala baasan, Rabbiin mala Isaanii olii itti baasa.

Obboleyyan keenya kan miidhaa keessa jiran Rabbiin nagayaa bakka kheeyrii Isaanii qabdu Isaan haa qubsiisu.

Poolisni Baqattoota xalayaa seeraa hin qabne yeroo qaban.

Obboleyyan waan facebook gubbaa faca'aa jiru kana hunda osoo addaan hin baafanne daangaa amantii teenyaa akka hin dabarreen Isin yaama.

Hanga alaabaa Su'udii tan kalimaa Towhiidaa qabdu gubanii share godhan gahanii jiran. Kan haalaan nama gaddisiisu gariin maqaa Islaamaati qaba. Muslimootarratti wal fakkeeysuuf itti yaadanii maqaa Islaamaa waan baafatan nattu fakkaata.

Kuni yaada kiyya. Dogngoruu nin mala. Waan natti fakkaatu Ammoo Isin biraan gahe. Isinis yaada keessan niin eega.

Rabbiin balaa gosa hundaa nurraa haa qabu.