BORU HAA SOOMANNU, IIDA AKKAMITTI KABAJNA? QABSOO GUYYAA IIDAA!

Guyyaa Arafaa warri Hajjii godhu Gaara Arafaa dhaabbatan

====BORU HAA SOOMANNU, IIDA AKKAMITTI KABAJNA? QABSOO GUYYAA IIDAA!
Share godhi obboleyyan keetiif!
Urjii Ahmad
Guyyaan guyyaa hunda caalu guyyaa Arafaati. Guyyaa arafaa jechuun baati zul hijjaa guyyaa 9ffadha. Guyyaa boru Iida goonu sani. Guyyaan sun boru taha.
Soomanni guyyaa tokkicha sanii diilii ykn cubbuu amata dabree fii dhufuu namarraa ni haqa.
Zil Hijjaan guyyaan kudhanan duraa guututti guyyoota guyyaa hunda caalaan akka tahe Rasuulli s.a.w dubbatee jira.
Irraa haa fayyadamnu. Soomanaan fii du'aaiin haa jabaannu.
Rabbiin akka Islaamummaa teenyaan kabajamnee jiraachuu nu badhaasu haa kadhannu.
Rakkoo Muslimootaa akka waliigalatti akka hikmatu Rabbitti haa iyyannu.
Yaa Rabbi si kadhanna.
====IIDA AKKAMITTI KABAJNA===
Guyyaa 10ffaa Zul Hijjaa Guyyaa Iidaa taha. 9ffaa soomanaan, iibaadaan, towbaan, duaaiin dabarsin. Guyyaa Iidaatis Takbiirtaa, Wareega namni dandahe qaluu, nyaachuu, dhuguu, Rabbi guddisuu ykn  Allaahu Akbar jechuun, Rabbi yaadachuun dabarsina.
Muslimoonni iida arafaa Muziiqaa haraamiin, daansiin, shaggooyyeen, zinaa godhuun, Shiishaa dhuguun, farshoo dhuguun fii k.k.f dalagaa hin dabarsinu. Muslimoonni ayyaana Rabbitti badii keessatti daleeynu tokkollee hin qabnu. Ayyaanni keenya Gammachuu, Ibaadaa, Rabbiif galata galchuu, qabsoo haqaa itti fufuu, haqa dubbachuu, hamturraa dhoowwuu,  hiyyeeysa gargaaru, beelawaa nyaachisuu, aanaa ifii maxxanfachuu fi k.k.f dalagaa ayyaana dabarsina.
Iiddi Ayyaana gaddaati miti Ayyaana Gammachuutu. Ni qalla, halaal ni nyaanna, halaal ni dhuyna, Rabbi guddifna.
Rabbi guddisuu olitti wanni nama gammachiisu maaltu jira?!
"Zikrii Rabbiitiin qalbiin ziq jetti (Bashannanti), Gammaddi." jechuun Rabbiin Quraanaan Mirkaneeysee jira.
Muslimni Gammachuuf Zikrii qaba, Waan Amantii hin faalleeysine hedduu jirra. Ammoo Muziiqaa, daansii, shiishaa, faarshoo, dhalaafi dhiiraan walitti laaqamanii shubbisuu fii k.k.f Gammachuu Osoo hin taane Gadda Zalaalam, Gadda guyyaa boruu nutti taha.

Guyyaa Iidaa gammaduu qabna jechuun waan haraam akka hin daleeyne if haa eeynu. Iiddi akka ETVn godhu san daansii fii Muziiqqaan kan kabajamuu miti. Nuti Amantii Islaamaa hordofna malee Amantii ETV Ahbaashii hin hordofnu. Isaan amantii teenya maqaa balleeysuuf imaamata matarra kaayyatanii Farshoo dhugaa, caffaraa, dhalaa wajjiin dannasaa Iida kabajan. san hunda wanni godhanif Amantii teenya amantii birootiin wal fakkeeysuuf jecha. Muslimnis farshoo dhuga, Muslimnis iida ni caffara, muslimnis gammachuu isaa muziiqaan utaalee ifirraa baasa akka je'amuu qofa osoo hin taane akka wallaalaan Muslimaa tokko tokko amantii Islaamaa tanuma ETV san sahuuf jecha san dalagan.
===QABSOO GUYYAA IIDAA

Qabsoon guyyaa iidaa akka godhamu ibsamee jira. Karaa nagayaatiin arrallee Ahbaashii tahuuf qophii miti, Arrallee koree teenya ni jaalanna, arras gaafiin teenya hin deebine jechun haqa dubbachuu itti fufna.
Haqa dubbachuu ol maaltu qabsoo jedhama?!
Ee! Ahbaashii hin taanu! Amantii hin jijjirru! Gaafiin teenya deebii haa argattu! Koree fii hidhamaan Muslimaa hundi hidhaa haa bahu! Qabsoon itti fufa!
Injifannoon tan Islaamaati!!
Allaahu Akbar!