JANNATA NU DHORGUUF AHBAASHII NUUF FIDE

JANNATA NU DHORGUUF AHBAASHII NUUF FIDE
Urjii Ahmad

Jannata jechuun bar ganda bashannanaa
Rabbiin kan Qopheeyseef Muslimoota hundaaf
Biyyeen Isii keessaa shittoodharra caalaa
Manni kan Jaarameen Ziqiyaafii faayaa
Jala Isii yaa'aa laggeen adda addaa
Kan deeyma qulqulluu "Asalun Musaffaa"
Addaan sirraa hin citu guutee dhangala'a

Manni Isii hedduu fooqii gamaa gamaa
Iliillii fi Kudraa dasii ilmaan namaa
Namuu gaggamadee sireerra tattaa'aa
Walitti ful galee waliin bashannanaa
Gammachuu hin dhumne hogguu gammachuudha.

Muslimootaaf tolche Rabbiin bar bareechee
Waan Ijaan hin argin kan qalbiin hin beynee
Qopheeyseeti Jiraa Khaaliqni nu uumee
Qananii hedduudha Rabbiin tan qopheeyse
Rabbii Isaanii argan warri Jannata seene
Sani gammachuu bar sani kan hunda caalee
Fuula Rabbii arguun qananii hin dhumne

Jannata nu dhorguuf Ahbaashii nuuf fide
Mootummaan wayyaanee Misooma fakkeeysee
Azaaba nu geeysuuf Shirkitti nu deebisee
Jannata nu dhorguuf Ahbaashii nuuf fide.
::::::::::::::--------:::::::::::::::::::::::

Ahbaashii hin taanu Jannata hin gurgurru
Azaaba fudhannee Mootommaa hin sujuunnu
Qabriitti deebinee shirkii hin daleeynu
Dhumnee dabra malee Islaama hin jijjirru
Allaahu Akbar! je'aa qophii taatan namuu