Kubbaa tamiif kofla arra nagaa argadhee?

Kubbaa tamiif kofla arra nagaa argadhee?
Urjii Ahmad

Kokkoflee taphataa alaabaa ol qabee
Biyya qabaa Inni maal dhabee rakkame
Anoo numan jiraa bar waa lama dhabe
Biyya Abbaa koorratti namaa gadi tahe
Jarri fagoo dhufee nurratti abbaa tahe
kan fedhee ajjeesee Kaanis Harma muree
Alaabaan Isaanii gaafas ol qabamte
Arrallee itti fufe ajjeesee nu hidhe
Alaabaan Isaanii takkaa hin jijjiramne
Yaadni Isaaniitis sanuma ammallee

Silaa arra kubbaa Isaan wajjiin kofla
Alaabaa Isaanii ol qabee lallaba
Akaakoo dagadhee Abboos firraan dhiisa
Abbootti hin dhaabbanne Ibiddi na guba

Isiin dhaadachuudhaaf jarri hin jijjiramne
Biyya dhabne jenne obsaati kan turre
Amantiin hin hafne tuffiin arma geeyse
Kubbaa tamiif kofla arra nagaa argadhee?
Tan duraa dagadhuus roorroon narraan ole
Kubbaan silaa taphaa taphni maal naaf dhabe
Waan taphaa oliituu Amantiif salphanne
Abbaa biyyaan taane Mirga hin arganne
Amantii teenyaanis kabajaa hin arganne

Silaa Ilmi namaa koflee seequu baate
Ani silaa booyuu numan hin lakkifne
Garuu naman tahe gubbachaatin kofle
Ilkee kooti malee garaan nan fayyine
....................................................