Urjii Ahmad
Goodinni Arsii lixaa Jeynoota Omishaa
Islaamaaf kan du'u Achiitti argamaa
Oromiyaa keessaa eenyuu Isaan gahaa?
Asaasaa tan duraa biyya Shahidootaa
Islaamaaf dubbatan sagalee ol fuudhaa
Kan sodaa hin qabne qawwee wayyaaneedhaa
Kofoleedha jira dhirri Islaamootaa
Kan kafaruu didee Ahbaashii tahuudhaa
Islaama qabatee irratti shahiidaa
Seenaan Muslimootaa yoom Isaan dagataa??
Shaashee biyya jeynaa tan qabsoo eegalte
Sodaa takka malee sagalee ol fuutee
Mirga amantiitiif qabsoo agarsiiste
Jeynoonni Isiidhaa yoom takkaa hifate
Islaamaaf dhaabbatee Islaamaaf jiraate
Dodoolaa yoo beytaa tan sodaa fixatte
Mataa ol qabattee amantiif dubbatte
Amata dabarte eega qabsoo seente
Tumaa fii arraba wayyanee Obsitee
Amantii jijjjiruu yoom takkaa hayyamte
Islaama qabattee Ahbaash tahuu diddee
Arsii lixaa guutuun Jeyna maleen qabdu
Baadiyyaa magaalaan sodaa takkan qabdu
Islaamni tuqamnaan hirriba hin qabdu
Rabbi na kadhadha akka naaf milkeeysu
Qabsaawoota kanneen Jannata qubsiisu
Mata ol nu qaban Rabbi ol haa qabu
Kabajaa nu guddan Rabbi haa kabaju
Muslimoota hundas Rabbi haa dammeeysu
Akka Arsii Lixaa jeynoota haa godhu
Kan diiniif qabsaawu namuu bakka jiruu
................................................................
Jabaadhaa Jabaadhaa bakkayyuu namuutuu
Harka hin kenninaa diiniin taphni hin tahuu
 |
| Shahiidoota Kofalee |
No comments:
Post a Comment