WAHBIYYAAN MAALI MEE DHAGAYAA IKHWAANII

WAHBIYYAAN MAALI MEE DHAGAYAA IKHWAANII
Urjii Ahmad

Wahbiyyaa nuun je'an akka waan hamaattii
Wahbiyyaan tun maali jennee gaafannaanii
Nuuf Ibsuu Eegalan Wayyaaneefii Ahbaashii

Wahbiyyaa jechuun bar warra diin jabeeysuu
Akka Sahaabootaa daangaa Amantii eeguu
Quraanaa fii Hadiisa malee hin fudhattuu
Salaata bakkayyuutti salaatuu hin dhiiftuu
Mana barnootaattis salaata gaafatuu
Guyyatti hoggu shan Masjidatti figuu
Sa'aa dargaggummaa akkasi dabarsuu
Dhalaa xiqqoo guddoo hijaaba uffisuu
kun gurguddaa malee Mallattoon Isaanii hedduu

Qabrii Awliyyaadhaa hin gabbarru je'an
Hajjii Sheekh Husseenis ni balaaleefattan
Maal qaba yoo godhan hajjiin teenya lamaa
Takka Sheekh Husseenii takka bahara gamaa
Jennaan hin fudhattu Wahbiyyaan Inumaa

Wahbiyyaa jechuun bar ummata ajaa'ibaa
Shirkii jechuun didan Yaammachuun Awliyaa
Yaammachuun hin tahu Rabbii qofa yaamaa
Jechuun da'waa godhan baasa bar Inumaa

Mallattoon Wahbiyyaa tanaa firraa beekaa
Areedaa guddisan koofa gaggabaasaa
Barnoota Islaamaa ni jabeysan hundaa
Saayinsii baratuu itti jajjabeeysaa
Kanaaf Isaan dhaabuun hedduu barbaachiisaa
Yoo Irraa callisan biyya Islaameeysaa
Baratee heddummaatee nu bira ol kutaa
Kanaaf cabsuu qabna hundi waliif galaa
...............................................
Akkana gaa kunoo Wahbiyyaan Ikhwaanii
Ani tiyyaan beekaa Ani Wahbii sanii
Shirkii duran dhaaphaa maali badiin sanii
Yoo kanaaf naan jettan Wahbiyyaa dhugaanii
Ani tahe dhugaadhaan Wahbiyyaa baantanii
Akka taatan laalla Shirkiin ni dhabamtii
...................................