MEE KANAAN MAAL JETTAN FALSAFAA YOON JENNE?

MEE KANAAN MAAL JETTAN FALSAFAA YOON JENNE?
Urjii Ahmad

Ahbaash wanniin jibbuuf kijiba Isaanii
Haqa hin fudhatan hedduudha jibbanii
Yoo dhugaa himaniif ni dhukkubsatanii
Quraanaa fii Hadiisa dhagayuun fedhanii
Sheeka Saanii malee abbaa jallinaatii

Ulamaa arrabsuun aadaa Isaaniitii
Nama Kafarsiisuun jannata hawwanii
Hoolayyii gawwoota walitti qabatanii
Sihriin dhamaasanii kaanis maallaqaanii
Nuratti boobbaasan arrabsaa jedhanii
Kijibni Arkaanaa Ahbaashii biratti
Yoo kijibuu baatte si kafarsiisanii

Ulamaan Adunyaa hundi labsa baasee
Ahbaashiin jalloodhaa firraa eegaa je'ee
Muftiin Biyya Misraa kan Sooriyaa hin hafnee
Muftiin Su'udiidhaa hundi jala muree
Ahbaashiin jalloodhaa namuu beekaa je'ee
Iisiyaa fii Afrikaa biyyi takka hin hafnee

Kitaaba Ahbaashii Ulamaan xinxalee
Falsafaa tahuu saa muslimootaaf ibsee
Ulamaan biyyaatis irratti waliigalee
Jallina Ahbaashii hin fudhannu je'ee
Kana maa diddaniif qawween nu bobbohee
Mootummaan wayyaanee Ulamaa'ii hidhee
Kaan biyyaa ari'ee kaan hidhatti guuree
Mee kanaan maal jettan falsafaa yoon jenne?
Amantii Yahuudaan gargaaruuf muratte
Ahbaash malee hin garre tan Islaama himatte